Thursday, April 9, 2015

Harong kan lola, sinubsuban kan makuapo

LIBMANAN, CSur—Grabeng kaburatan an nagtulod sa sarong 27 anyos na lalaki na suluon an harong kan saiyang lola alas 5 nin hapon kan fecha 6 kan Abril ngonian na bulan.

Si Jomar Ramirez y Estoy, conductor kan jeep, asin residente kan Barangay Bahay, Libmanan, sinubsoban an harong kan 77 anyos na si Esperanza Estoy y Mancilla.

An harong, sabi sa report kan pulis, gibo sa kahoy asin kawayan.

Poco mas o menos P30,000 an danyos sa nasambit na residencia.

Dinakop an suspechado kan mga oficial sa barangay, asin ipigtao sa custodia kan Libmanan Municipal Police Station.

Kan fecha 7 nin Abril, nagsunad na nin reklamo an pulis kontra sa suspechado.

P24,000 an ipigrekomendar na fianza.—BICOLSTANDARD.COM
Share:

Featured Post

PRO5 - PO1 PASSERS OF PHYSICAL, MEDICAL & DENTAL EXAMINATIONS

Police Regional Office 5 1st Cycle of CY 2018 Police Officer One (PO1) Regular & Attrtion Recruitment Program PASSERS OF PHYSI...