Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Thursday, April 30, 2015

Dr. Albeus, mawot magserbe sa Naga

CIUDAD NIN NAGA—“Pirme akong nagmamawot na magserbe sa mga taga Naga”.

Ini an binutasan na pahayag kasoodma ni Dr. Jess Albeus, dating Punong barangay kan Tabuco, Naga City.


Dr. Jess Albeus


Si Albeus naging bantog na maray kan mga naka-aging taon ta siya iyo an naging presidente kan Philippine Dental Association (PDA) asin naging pamayo man kan Ateneo de Naga University Alumni Association.

Sa entrevista saiya kan mga miembros kan media, inako ni Albeus na kan mga nakaaging pirilian nagprobar na talaga siyang magpresentar kan saiyang sadire na maging servideor kan Naga City. Alagad dae siya nagkaswerte.

Mientrastanto, naglalaom si Albeus na magkakaigwa nin bagong timplada ngonian an composisyon kan Sangguniang Panlungsod.

“An pirme na sanang Ubos-Kun Ubos dae na mangyayari ngonian,” sabi niya.

Sa presente naheheling na nagdadakula an pagkabaranga kan mga miembros kan Team Naga, na dati pigfundar asin pinakusog ni dating alkalde Jesse Robredo.

Sa maabot na election sa 2016, anom na mga incumbent na consejal kan ciudad an dae na pwedeng mag re-election ta naka tulong turno na sinda.

Apisar kaini, mansay nang entero an pag-suway sa grupo kan Team Naga kan nagkapirang mga consejal.

Afuera ki Consejal Nathan Sergio na lantadan nang nakikidulak na saiyang mga pag-iriba sa consejo, igwa pa nin nagkapira na naghahalat sana kan tamang panahon para magfundar nin bagong grupo.

Si Albeus dae piglinaw kun kisay siyang grupo maibang linyada pag-abot kan panahon nin karandidatohan.—BICOLSTANDARD.COM
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...