Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, April 15, 2015

Bokal Abonal, mapasurog na sa Comelec laban sa SP




PILI, Camarines Sur--Dae pa guiraray tinawan nin buelo kan Sangguniang Panlalawigan si Bokal Ariel Abonal, an declaradong elehidong board member kan Comelec para sa 2nd district kan Camarines Sur na makatukaw asin i-representar an saindang constituentes sa junta provincial.

Sa regular na session kan Sangguniang Panlalawigan kasoodma, sinabihan liwat si Abonal ni Vice Gobernador Fortunato Pena na mayo sa saiyang poder an pagtugot na siya tawan nin tukawan, afuera sana kun an saiyang mga pagiriba, mag-oyon na.

Sa entrevista kan BICOLSTANDARD.COM, sinabi ni Abonal na sarong aldaw antes kan session kasoodma, o kan Lunes ngonian na semana,  personalmente niyang kinaolay si Pena dapit sa bagay na ini.

Alagad, si Pena nangingiriil suboot na tawan siyang bwelo sa session.

Ipinahayag pa ni Abonal na mayo na siyang ibang magigibo kundi darahon na an bagay na ini sa Commission on Election (COMELEC) an ahensiya kan gobierno na nagproclamar saiya bilang ganador sa election lokan kan 2013.

Sabi ni Abonal,  maplantear siya nin “indirect contempt” contra sa mga nag-oolang na mga miembros kan junta provincial para ipaglaban an derecho kan mga taga-segundo distrito na dapat igwa sinda nin representasyon sa Sangguniag Panlalawigan

Afuera kan indirect contempt, sinabi pa ni Abonal na madulok na siya sa Ombudsman, para hagadon na kastigohon an mga nag-oolang na mga miembros kan junta provincial sa saiyang pag asumir sa pwesto, apisar kan malinaw na kasugoan asin pagboot kan Comelec.

Mga caso administratibo an saiyang i-paplantear sa Ombudsman.

Si Pena, sa ibong na lado enot nang nagpahayag na dae niya papatukawon si Abonal sagkod na dae pa nin decision an ipigsangat na Petition for Certiorari sa Supreme Court ni dating Board Member Romulo Hernandez, na nagkukwestyon kan pagtukaw sa pwesto ni Abonal.


Si Hernandez haloy nang binayaan an saiyang pwesto, kan maka recibe kan final na desisyon kan Comelec, asin bakante na ngonian an tukawan para sa sarong representante kan 2nd district kan Camarines Sur, sa Sangguniang Panlalawigan. BICOLSTANDARD. COM Pirming enot. Pirming bago. 
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...