Saturday, April 25, 2015

Babaeng may helang sa pag-isip, tinaga an kasaroan

Map via Wikicommons
Mike Gonzales, The Coffee


GIGMOTO, Catanduanes – Tinibtiban nin nagkapirang beses kan suspechadong si Ruth Tolledo y Adongga, 22 anyos, residente kan Barangay District 1, sa banwaan na ini an saiyang kasaroan na pigbisto sa pangaran na Jose Arcilla y Timuat.

Si Arcilla, 44 anyos an edad, residente kan Barangay District I, sa banwaan na ini.

Nagluluwas sa ginibong pagsiyasat na si si Arcilla nanok sa saiyang pagturog kan siya tari-tian nin nagkapirang beses kan darang tabak kan saiyang kasaroan na si Tolledo.

An suspechado pigtutubodan na baryado o sinumpong kan saiyang helang sa pag-iisip, kan ginibo an krimen.

Sinasabing an suspechado igwa nang record kan mga nakaaging aldaw na pinabulog siya sa Mental Hospital sa Pili, Camarines Sur.

Minutos sana pagkatapos kan incidente, luminayas na an suspechado sa harong na saindang pig-iistaran kaibahan an saiyang kasaroan.

Hasta sa presente, hinahanap pa siya kan mga awtoridad para imbestigaran. BICOLSTANDARD.COM Pirming enot. Pirming bago.
Share:

Featured Post

PRO5 - PO1 PASSERS OF PHYSICAL, MEDICAL & DENTAL EXAMINATIONS

Police Regional Office 5 1st Cycle of CY 2018 Police Officer One (PO1) Regular & Attrtion Recruitment Program PASSERS OF PHYSI...