Friday, April 17, 2015

2 nag-excursion, nalamos sa suway na insidente sa CNorte, CSur

Map via Wikimedia commons



LEGAZPI CITY – Saro sa Pasacao, Camarines Sur asin saro sa Vinzons, Camarines Norte an pinabagong victim nin mga aksidente nin pagkakalamlos, sa mga palipasan oras, ngonian na bulan.

Base sa record kan pulis, si Donisio Mahayhay y Doe, taga-Zone 7, Mangayawan, Camarines Sur, nagpasiring sa Surfer’s Paradise Beach Resort sa Barangay Caranan, Pasacao kan sarong aldaw, tanganing magkarigos sa dagat.

Nagluluwas sa imbestigasyon kan mga awtoridad na si Mahayhay maliksi pang naglangoy pasiring sa hararom na parte kan dagat, alagad dae na nakabalik nin buhay.

An mga pag-iriba niya sa excursion nagsabi na nakainom nin arak an victima.

Sa ginibong search and rescue operation, nakua an hawak ni Mahayhay na mayo nang hinangos, kaya siya dinara sa Mother Seton Hospital, sa Ciudad nin Naga.

Nakaabot siya sa hospital alas 9:55 na nin bangui.

Gadan na an saiyang lawas kan helingon kan doctor.

Mientrastanto, sa Vinzons, Camarines Norte binawian nin buhay si Nicole Kimberly Guerina y Verzo, 14 anyos, mantang yaon sinda sa pag picnic sa Barangay Sabang.

Sa estorya kan mga pangyayari, si Glen Ryan V. Guerina, 12 anyos, tugang kan nagadan nag lalangoy-langoy sa dagat.

Alagad, bigla ining nagkukurahaw ta nakakainom na siya nin tubig asin madali nang malamos.

Sa pagsapod saiya kan mga pag-iriba, dae namasdan kan saindang grupo na an tugang palan ni Glen Ryan na si Nicole, naglangoy man para sapodon an saiyang ngohod na tugang.

Dae kinaya ni Nicole na maisalvar an saiyang tugang asin siya iyo an enot na nagtundag sa dagat.

Maski pa nagkasiribot sa pagtabang an saiyang mga kairiba, nadifisilan sindang hanapon an lawas ni Nicole.

Nakua an saiyang hawak poco mas o menos alas 11:00 na nin odto, na mayo nang buhay.

Dinara pa man kuta si Nicole sa Rural Health Unit (RHU) kan banwaan na ini, alagad sinabing siya gadan na. BICOLSTANDARD.COM Pirming enot. Pirming bago. 
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...