Friday, April 17, 2015

2 dinukot sa Masbate, dae pa nakukua

Map via Wikicommons Mike Gonzales, The Coffee

MILAGROS, Masbate –Pwersahan na dinukot nin 3ng mga dae bistong tawo an 2ng residentes kan Sitio Hagmang, Barangay Bangad, sa banwaan na ini, poco mas o menos alas 11:51 nin bangui kan sarong aldaw.

An mga victima nabistong iyo sinda Porferio Duran y Ramirez, 57 anyos asin Teddy Ariza y Agoncillo, 47 anyos, soltero.

An mga suspechado dae pa bisto kan mga awtoridad.

Sabi sa imbestigasyon, an tulong mga suspechado armado nin mga dae aram na calibre nin badil.

Linaog an harong kan mga victima asin ginudgod sinda pasiring sa direksyon kan bukid na parte kan saindang barangay.

Hasta sa panahon na sinusurat an baretang ini, an police digdi mayo pang malinaw na bareta kun ano na an nangyari sa mga victima.

Si PInsp. Rosalio O. Capile, an pamayo kan hepatuda kan pulis digdi nagpahayag na tulos sindang nagresponde sa nasambit na krimen.

May mga reports na pig aadalan kan mga awtoridad kun an may kagibohan kan krimen iyo si mga dating pigbabaretang mga pusikit na parahabas sa saindang barangay. BICOLSTANDARD. Pirming enot. Pirming bago.
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...