Wednesday, March 18, 2015

URUKAG | Tupada pigraid, arestado 1 sana

Retrato hale sa Pamplona MPS



PAMPLONA, Camarines Sur--Garo pinohag na ligwan an mga parabulang digdi kan sakyadahon an sarong patupadahan kan pinag-sarong fuerza kan PNP San Fernando asin Pamplona.

Ginibo an raid poco mas o menos 12:45 nin hapon, kasoodma (Marso 17).

Biglang nagdurulagan an mga parabulang kan mahiling ang nag-arabotan si mga pulis sa tupadahan sa Sitio Kawayan, Brgy. San Isidro, digdi.

Solamente si Leonardo Ronda y Albo an nadakop. Si Ronda 54 anyos, may-agom, asin residente kan Zone 6, Brgy. Odicon, Pasacao

Nakua saiya an sarong belt bag na may laog na 7 pantari asin iba pang gamit sa bulang. Apwera kaini, pigconfiscar pa saiya an 2ng buhay na pambulang na manok (sarong alimbuyogin saka sarong mayahin).

Nakatalaan sangatan nin kaso sa pagbalgar kan P.D. 449 (Cockfighting Law of 1975) an solo-solong nadakop.

An raid pinangenotan ni PSI Joel S Sabuco asin PI Allan Q. Lopez, parehong Officer-in-Charge kan Pamplona asin San Fernando.--Report ni Oscar Esmenda BICOLSTANDARD.COM

Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...