Monday, March 16, 2015

"Smile!" hagad ni OIC PD Fama kan CNorte sa mga pulis

DAET, Camarines Norte—Manlaenlaen na stratehiya an pig-aadaptar kan mga hefe kan police para maging efectibo sinda sa paghatod nin servicio sa mga tawo.

Retrato kan Camarines Sur Provincial Police Office
Sa provinciang ini, an bagong hefe kan Philippine National Police Provincial Office na si PSSupt. Harris Fama, an Officer-in-Charge, tinawan doon sa saiyang pagtaram pagkatapos kan flag raising ceremony kasubago, na dapat an maging magayon na ugali kan gabos na police asin pirmeng nakangirit.

An Camarines Norte Provincial Police Office, durante kan saindang Police Information and Continuing Education nag taong doon sa importancia kan paghuyom, na may makusog na effecto sa mga pigseservehan na tawo.

Afuera kaini, sinabi ni PD Fama na igwa nin dakulang “health benefits” na nakukua an sarong tawo, kun siya para-"smile."

Nagkapira kaini an pagpababa sa lebel kan stress asin blood pressure, asin an pagpakusog kan pinag-aapod na immune system.

Ini man makakatabang na maparani an boot kan mga ordinaryong tawo sa mga pulis.—BICOLSTANDARD.COM
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...