Sunday, March 22, 2015

Sikat na mga chef, matiripon sa Albay

LEGAZPI CITY—An mga pinaka famosong mga chefs o mga kusinero sa Pilipinas an matiripon sa Albay poon  Abril 27 hasta 29, sa inaapod na creative showdown sa mga lokal na culinary masters, na may obhetong makadiscubre nin mga popular asin paboritong mga luto.

An showdown na ini kan mga famosong paraluto, parte kan pagtulod kan Albay sa saindang programa sa tourismo.

Ini gigibohon sa Peñaranda Park sa atubangan kan Provincial Capitol, asin madurar nin sarong bulan, kasabay kan 2015 Daragang Magayon Festival.

An programang ini may dakulang suporta kan Department of Tourism Flavors of the Philippines campaign, asin mapaheling kan mga paboritong pagkakan kan mga taga Albay.

Sabi pa sa report mapatubang man ini kan industria kan lokal na restaurants sa sinambit na provincia.

An Albay iyo an pinakadakulang producer nin pili, asin ika duwang pinakadakulang producer nin camote.

Siring man an Albay, iyo an sinasabing famoso sa pinangat.

An mga piglalaoman na maatendir na bisita iyo sinda Chef Gene Gonzales asin aki niyang Chef Gino, Chef Boy Logro, Chef Rolando Laudico asin an saiyang agom na si Chef Jackie, na makikipagtabangan sa mga sikat na kusinero sa Albay para sa exhibitions.—BICOLSTANDARD.COM. Pirming enot. Pirming bago.
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...