Wednesday, March 25, 2015

Shabu, pandulce sa piyesta? 4 na sospechado, arestado


Photo via Pamplona MPS

PAMPLONA, Camarines Sur—Pinosasan kan mga pulis an apat na personas na nadakop mantang nasa shabu session mientras nagcecelebrar kan fiesta sa Barangay San Gabriel,digdi.

Afuera sa pagamit nin droga, nakua sa poder kan mga suspechado an sarong badil na mayo nin licencia.

Nabisto an mga suspechado na sinda Christian Litana Sr. y Beso, 29 anyos, taga-Sabang, Ciudad nin Naga; Ryan Romagosa y Balingbing, 25 anyos, soltero, taga-Barangay Uson, Libmanan, Camarines Sur; Roderick San Buenaventura y Rapinan, 21, soltero, taga-Balintawak, Lerma, Ciudad nin Naga; asin Antonio Borce y Bolanon, 55 anyos, may-agom, taga-Barangay Burabod, sa banwaan na ini.

An nagdakop na awtoridad hale sa Municipal Police Station digdi na pinapamayohan ni Police Inspector Chester Enriquez, an Deputy Chief of Police.

Sinambit sa report na an mga awtoridad yaon sa San Gabriel huli ta sinda nagcoconducir nin regular na pagpatrolya.

Poco mas o menos ala una nin amay na pagka-aga kan Marso 24, kan marecibi ninda an informasyon na may nangyayaring shabu session sa barber shop ni Jerry Rambuyong. 

Tulos sindang nagpasiring sa lugar, asin duman inabutan an mga nasambit na suspechado.

Nakua sainda an calibre .38ng revolver na may kargang apat na bala. Mayo ining serial number no. asin dokumento.

Sa ginibong pagrekisa kan barber shop, nakakua an mga pulis nin sarong sadit na plastic sachet asin apat na pidaso nin ginuromos nang aluminum foil na may laog nin pigtutubodan na shabu.

Durante kan imbentaryo kan mga nakuang mga prohibidong gamit, presente an mga oficiales kan barangay.

An mga naaprehendir pinaliwanangan kan saindang mga derecho sa lindong kan constitution.

Dangan, dinara na sinda sa Pamplona Municipal Police Station..

Aatubangon ninda an mga kaso sa pagbalga kan RA 9165 o an inaapod na Comprehensive Dangerous Drugs Act of 2002 asin kan RA 10591 o Comprehensive Firearms Law. --Bareta ni Oca Esmenda  BICOLSTANDARD.COMPirmeng Enot. Pirmeng bago.

Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...