Friday, March 13, 2015

PSSupt Pornillos, nag-asumir na sa pwesto bilang Cam Sur PNP PD

NAGA CITY—Nagpasalamat si PSSupt Primo Golingay sa mga kapulisan sa suportang itinao saiya sa halipot na panahon na naging marhay an relasyon kan lambang saro.

An bagong OIC Provincial Director kan Camarines Sur Provincial Police Office PSSupt. Walfredo Pornillos asin dating Provincial Director PSSupt Primo Golingay (Kua ni Oscar Esmenda/BICOLSTANDARD.COM)
Sa saiyang paghale sa pwesto bilang OIC Provincial Director kan Camarines Sur Provincial Police Office ngonian na aldaw, sinabi ni Golingay na sinda naging katuwang niya sa pagmantener kan katrangkilohan asin pagresolbar kan mga kaso.

Inangat man niya an maribay saiya na ipadagos an mga programa.

Sa ibong na lado, nagpahayag man an bagong OIC Provincial Director na si PSSupt. Walfredo Pornillos na matrabaho man siya nin maigot para sa mga taga Camarines Sur.

Hinagad ni Pornillos an ayuda kan publiko sa pagmantener kan katoninongan.
Si Pornillos gikan sa Nabua, Camarines Sur—Ni Oscar Esmenda, BICOLSTANDARD.COM
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...