Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, March 7, 2015

Ofisina sa Naga City Hall compound sinalakat

ACTO
NAGA CITY-- Padagos an paglangkaba kan harabonan sa Naga.

Subagong aga, mismong sarong oficina sa laog kan City Hall compound an linaog kan mga parasalakat.

An oficinang ini iyo an Arts, Culture and Tourism Office (ACTO).

An harabonan, sabi kan pulis, nangyari sa pagultanan kan alas 9 nin aga asin alas 12 nin odto.

Rinaot kan parahabon an window grills kan ACTO,  kun sain ini uminagi.

Nalalay sa nasambit na ofisina an sarong 24 inch EZY na telebisyon na may kantidad  na P15,000; sarong Cherry Mobile na cellphone an kantidad P6,000; asin an sarong Samsung laptop na sadiri kan LGU-Naga na may kantidad na P30,000.

Apwera sa LGU Naga, an iba pang nabiktima kan parahabon iyo sinda BJ de Asis y Veluz, 33, residente kan Brgy. Cararayan asin Rustan Pujado y Rodrigueza, 27 kan Brgy. Lerma.

An biktimang si de Asis, aki ni Kagawad Cecilia de Asis. --Oscar Esmenda, BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...