Sunday, March 22, 2015

Lalaki tinadtad nin bala sa bulangan

MATNOG, Sorsogon – Binadil, gadan an sarong parabulang na taga Barangay Balocawe, sa banwaan kan ini, poco mas o menos alas 2:00 nin hapon, sa kakusogan kan sultada.

An victima nabistong iyo si Joseph Cantunjos Van, may agom, paraoma asin residente kan sitio Lajao, Barangay Cabagahan digdi.

Sabi kan mga imbestigador, limang mga lalaki an magkaibibahan na naglaog sa laguerta kan bulangan. Dangan, an saro sa sainda an nagdulok sa victima asin tulos pinaputokan siya nin surunod-sunod na bala hale sa dae pa nadeterminaran na calibre nin badil.

An mortal na mga tama sa payo kan victima an nagresulta kan saiyang tulos na kagadanan.

Ipinahayag kan mga imbestigador na pakatapos sana kan incidente, nagdurolag an mga suspechado pasiring sa dae madeterminaran na direksyon.

An motibo kan paggadan sa victima dae pa aram kan mga awtoridad.

Mientrastanto, an bangkay kan victima dinara tulos sa Labalan Funeral Parlor sa Barangay Gadgaron, sa banwaan na ini para sa autopsy.—BICOLSTANDARD.COM Pirmeng enot. Pirmeng bago.
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...