Friday, March 6, 2015

Jo Osabal, agom na ex-Mayor Jovy, nagpetition na maka-fianza sa casong murder

NAGA CITY—Nakatalaan na dangogon atyan na hapon sa Regional Trial Court (RTC) digdi an petition for bail na pigsunad kan broadcaster na si Jo Osabal asin an saiyang agom na si Jovy, na pareyong akusado nin murder sa pagadan ki Mayor Raul Matamorosa kan 2013.

Jo Osabal
Jo Osabal
Retrato kan RMN-DWNX
Sa presente, an mag-agom na Osabal detinido sa Tinangis Penal Farm, pagkatapos na magsuko sinda sa RTC na iyong madangog kan caso.

An recomendasyon kan fiscal, dai sinda tugutan na magfianza.

Sa nasambit na hearing, dadangogon ni RTC Judge Valentin Pura, an presiding judge kan jusgado na mabista kan caso, an mga evidencia na ipepresentar kan prosecution.

An jusgado igwa nin poder na magdeterminar kun totogotan o dae an sarong akusado na magfianza depende sa mga circumstancia asin sa evidencia na iaatubang kan lado kan prosecution.

Mientrastanto, kasoodma nagpaabot nin kaogmahan si Lupi Mayor Bobby Matamorosa, matuang tugang kan ginadan na alkalde, na yaon na sa kustodiya kan mga awtoridad an mga suspechado.

Nagsabi si Mayor Bobby na dakula an saiyang confianza na makakamtan kan saiyang tugang an justicia.—BICOLSTANDARD.COM
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...