Sunday, March 1, 2015

Honestong pulis na nakapurot nin P4K, Riyal, pig-omaw

STO. DOMINGO, ALBAY –Daing huraw an pag"Diyos mabalos" kan sarong lalake sa sarong honestong pulis pagkatapos kaining iuli an saiyang pitaka na may laog na kuwarta asin mga importanteng dokumento.

 Photo via Sto. Domingo MPS
An nakawara iyo si Joefrey Rapirap, mantang an honestong pulis si  SPO1 Gil Bansale Bedes na miembro kan Sto. Domingo PNP.

Segun sa report, napurot ni SPO1 Bedes an pitaka na nahulog sa tinampo sa Purok 3, Barangay Sto. Nino, kasubagong alas 12:00 nin odto.

Sa saiyang pagreparo, nahiling ni Bedes na an pitaka may laog nin kantidad P4,690.

Afuera kaini, igwa pa ining nakasalipit na 1 pisadong Riyal, ATM cards, asin mga ID  na anas nasa pangaran ni Rapirap.

Daing pagduwa-duwa, tulos hinanap ni Bedes an kagsadiri kan pitaka.

Apat na oras sana an nakalihis, nakabalik na an nawarang gamit,  kaibahan an gabos na laog sa may sadiri.

Sa nangyaring incidente, nag-ani nin dakul na pag-omaw an mga kapulisan sa banwaan na ini.

Huli kan ginibo kan saro nindang pagiriba, piglalaoman na matatawan nin pagmidbid an hepatura kan pulis sa banwaan na ini dahil sa maray na gibo kan sarong awtoridad sa banwaan. (BICOLSTANDARD.COM)
Share:

Featured Post

Albay PENRO arrested in drug bust

LEGAZPI CITY 10/19/2017 (Bicol Standard) – The Chief of the Provincial Environment and Natural Resources Office (PENRO) of the Departm...