HAPPY TRIP | Pulis Naga nanaong paguiromdom para sa salbadong biyahe ngonian na cuaresma

Pulis Naga nanaong paguiromdom para sa salbadong viaje ngonian na cuaresma
Kua ni Melvin Machado
NAGA CITY—Pinangenotan ni Police Senior Superintendent Narciso Domingo, OIC City Director kan Naga City Police Office, an pagdistribuir nin polyetos sa publico kasoodma. Ini katakod kan saindang kampanya na maging salbado an saindang biyahe.

An mga babasahon na ipinanao nag-iinformar kan mga dapat gibuhon kan mga mabiyarahe ngonian na panahon kan cuaresma asin bakasyon, orog na si mga mapuli sa saindang banwaan.

Saro sa mga pigdumanan ni Police Senior Supt. Domingo iyo an Bicol Central Station. An terminal na ini nagsusupay sa mga pasahero na nag-aabot asin naghahale sa Bicol pag Semana Santa asin bakasyon.

Apwera sa pagpapaguiromdom sa mga pasahero, pinatanidan man kaini ang saiyang mga tawohan na nagbabantay sa CBD 2 na pakusogon an pagrerekorida sa palibot kan terminal.

Mientrastanto, kaibahan man ni SSupt. Domingo sa pagpalakop kan informasyon an spokesperson kan Naga City Police Office na si SPO1 Toby Bongon, asin iba pang mga miembros kan Naga City Police Press Corps.—ni Melvin Machado

Pulis Naga nanaong paguiromdom para sa salbadong viaje ngonian na cuaresma
Kua ni Melvin Machado

Pulis Naga nanaong paguiromdom para sa salbadong viaje ngonian na cuaresma
Kua ni Melvin Machado

Pulis Naga nanaong paguiromdom para sa salbadong viaje ngonian na cuaresma
Kua ni Melvin Machado

Start typing and press Enter to search