Monday, March 23, 2015

29 anyos na top 6 sa drug watch sa Bicol, dakop

PILI, Camarines Sur—Nadakop na kan mga autoridad sa banwaan na ini  an sarong 29 anyos na babae na sinasabing number 6 sa regional watchlist kan mga drug personality sa enterong Bicol.

Sa paagi kan Search Warrant  Number T-63 na ipinaluwas kan Regional Trial Court San Jose Camarines Sur sa paagi ni Executive judge Ma.Angela Acompanado–Arroyo, na-aresto ang suspek na si Joana Morallo-Bongon, 29 anyos, kan Barangay Sagrada, Pili, Camarines Sur.

No. 6 drug personality sa Bicol, dakop sa Cam Sur
Kua ni Melvin Machado
 Nakumpiskar sa harong kan suspek ang apat na plastic sachet na may laog nin illegal na droga, sarong digital weighing scale, 196 na pidaso nin plastic sachet, surgical scissors asin kantidad na P1,120.

Para masiguro na mapo-protehiran ang derecho kan suspek, kaibahan kan mga otoridad ang representante kan Barangay Sagrada na si Barangay Kagawad Alfredo Garbiles, Barangay Tanod Teresita Garbiles asin miembro kan Media sa pag-implementar kan Search Warrant sa residencia kan suspek.

Nagkapira sa mga gamit na kinumpiskar kan autoridad sa suspeck
Kua ni Melvin Machado

Ang operasyon na ini ang pinangenotan man ni Police Chief Inpector Chito Oyardo kan Pili Municipal Police station sa pakikipagtabangan man kan grupo hali sa Regional Special Task Group sa pangengenot ni Police Senior Inspector Andrew Alcomendas  pati naman kan Camarines Sur Police Provincial Office Intelligence Branch sa pamamayo man ni Police Superentendent Ferdinand Raymundo asin kan Goa Municipal Police Station.

Mientrastanto, P200,000 ang pinag-rekomendar kan korte na piyansa para sa suspek na ngunian padagos na nakakulong sa Pili Municipal Police Station.—Ni Melvin Machado BICOLSTANDARD.COM
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...