Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, March 17, 2015

ARESTADO | No. 2 'Most Wanted' sa Bicol ,nadakop

Photo via Camarines Sur Police Provincial Office

CIUDAD NIN NAGA –Nadakop na kan Intelligence Operatives kan Camarines Sur Police Provincial Police Office (CSPPO) an No.1 na "Most Wanted" sa Camarines Sur asin No. 2 na "Most Wanted" sa Bicol.

An suspechado iyo si Salvador alyas "Atak" Basco Paloyo, Jr., na taga-Barangay Veneracion, Pamplona, Camarines Sur, 39 anyos, nagtatrabaho bilang driver asin bodyguard.

Siya nag-eestar na ngonian duman sa Barangay BF Homes, Sucat, Panaque City, alagad naarestar sa EDSA, Panay Avenue, Quezon City, sa tabang kan Quezon City police.

An pagdakop ki Paloyo susog sa bisa kan mga mandamiento de aresto.

Akusado siya sa casong Robbery, Direct Assault asin Attempted Murder sa sala ni Judge Antonio Camillus A. Ayo, Jr., an Presiding Judge kan Branch 62 kan RTC sa Naga City.

Sa casong Robbery, mayong fianza an tinugutan kan jusgado, mantang sa Direct Assault asin Attempted Murder, si Judge Ayo nagtugot na maka-fianza siyan nin P120,000.00.

Sa Robbery in Band, na nakasangat sa sala ni RTC Judge Leo L. Intia kan Branch 27, pig-aprobaran an fianzang P100,000 para sa saiyang temporaryong libertad.

Mientrastanto, sa casong Robbery sa RTC Branch 29, duman sa Libmanan, si Judge Cecilia Borja –Soler, nag-aproba nin P40,000 na fianza.

Sa Robbery with Homicide na yaon sa sala ni RTC Judge Irma M. Boncodin-Zamudio, sa RTC Branch 57, dai siya tinugutan maka-fianza.

An suspechado yaon sa pangangataman kan Camarines Sur PPO, mantang pigpoproceso an caso.

An akusado haloy nang hinahanap kan mga awtoridad huli sa kinadenang mga kaso nin pananalakat asin pang gadan na may magabat na kastigo kun siya mapatunayan na may responsibilidad sa mga isanasahot sa saiya. BICOLSTANDARD.COM Pirming enot. Pirming bago.
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...