Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, March 4, 2015

Ama naghabon para sa aki na magraduar sa kinder

NAGA CITY—Lakop nin mga gatok huli kan mga suntok na saiyang sinapo an sarong parahabon na residente kan Barangay Lerma, digdi.

Si Bon Joseph Rayani, 29 anyos an edad,  mayong toltol na trabaho, pigsurorogan kan mga residentes kan barangay kan siya matagboan na naglaog sa sarong oficinal kan Cebu Pacific, suboot tanganing maghabon.

Base imbestigasyon, an suspechadong si Rayani nag sagin-sagin suboot na cliente kan Cebu Pacific tanganing makalaog sa opisina.

Kan nasa laog na narisa kan suspechado na mayong kaiba sa opisina an bantay.

Kaya, tinutokan nin kutsilyo an victima, ginapos, runuskay an mga gamit asin kan makua na an saiyang gusto, marikas na nagkutipas padulag.

Alagad, an mga residentes sa palibot kan nasambit na oficina nakamalisya kan ibang hiro-hiro kan suspechado kaya siya sinitar.

Dangan, sinurorogan asin sinurontok, sampaling asin sinipa an suspechado.

Maray ngani ta nag-abot tulos si mga awtoridad kaya nasaway an mga anggot na tawo.

Si Rayani suspechado pa sa nagkapirang kaso nin pansalakat kabale an paglaog asin paghabon sa sarong laundry shop digdi.

An modus operandi niya, ginagapos an victima, saka ginigibo an paghabon.

Kan makaolay kan mga miembros kan media, nagpahayag si Rayani na ginigibo niya an panghahabon ta kaipohan kaya kan saiyang 6 anyos na aki an cuarta, ta ma-graduar na ini sa kindergarten.—Report ni Boyet Paderes, BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...