Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Tuesday, March 3, 2015

1 taon na aki, linugosan kan saiyang ama

NAGA CITY—Sarong 27 anyos na lalaki na mayo nin trabaho an sinangatan nin caso sa paglupig sa saiyang sarong taon pa sanang aki sa saiyang ka-live-in sa Marikina City, kan sarong aldaw.

An pulis pinangaranan an suspechado na si Tito Royol, Jr., taga Camarines Sur asin temporaryong naka-estar sa Lakandula St., Barangay Parang, sa nasambit na ciudad.

An reklamo contra sa suspechado dinara sa Marikina City Prosecutor’s Office.

Base sa record kan pulis, an ina kan victima nagsabi na narisa niya na an saiyang aki na dae nagpopondong hibi.

Kan ribayan niya suboot an lampin kan victima, namalesyahan niya na an saiyang ikinabuhay gatok.

Dangan dinumanan niya an saiyang kataid sa harong na igwa man nin aki na kapareyong edad kan saiyang aki para i-comparar an ikinabuhay kaini.

Digdi naheling kan ina na gatok na entero an puerta kan saiyang aki asin igwa pa nin mga patak nin dugo sa lampin.

Pagkatapos na maconfirmar na igwang nangyari, dinara tulos kan ina an saiyang aki sa Amang Rodriguez Medical Center sa Marikina para ipaheling.

Nadiskubre kan doctor na igwa nin “sisi” sa pwerta kan saiyang ikinabuhay na indikasyon na siya linupigan.

Si Royol nag-aatubang na ngonian nin reclamo sa paglupig sa saiyang carnal na aki.—BICOLSTANDARD.COM
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...