Tuesday, February 10, 2015

6 menor de edad pugol kan pulis sa casong carnapping

VIRAC, Catanduanes—Anom na mga menor de edad an naasa poder ngonian kan Municipal Social Welfare Officer digdi huli sa inaatubang nindang reklamo nin Carnapping.

Segun sa report hale ki Sr/Supt Adel Castillo, an provincial director kan Philippine National Police sa Catanduanes, an mga menor de edad nadakop kan pulis.

An mga suspechado na dae pwedeng pangaranan ta sinda mga menor de edad, dinakop kan mga awtoridad ta sinda si nasusugan kan mga nawawarang motorsiklo sa banwaan na ini.

Ipinahayag kan imbestigador na sa ginibo nindang follow-up operation sa harong ni Bonifacia Bueno y Brizo sa Barangay Moonwalk, Calatagan, nasusug an nagkapirang nawawarang motorsiklo na rinibayan nang pintura asin mayo nang plaka.

Yaon na ngonian sa poder kan mga awtoridad su mga narecover na hinabas na vehiculo para gamiton bilang evidencia kan nangyaring krimen.

Mantang an 6 na mga suspechado anas mga menor de edad, matinir ngona sinda sa poder kan MSWD mantang ginigibo an magkakanidong disposisyon kan caso.

An mga miembros kan PNP pirang bulan nang naghahanap kan mga imbuelto sa carnapping sa banwaan na ini, mantang biglang nagdakula an numero kan mga nagiging biktima.—BICOLSTANDARD.COM
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...