Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, February 18, 2015

Sa laog nin 15 aldaw kan Pebrero | 39 na harabonan, naireport sa Naga

NAGA CITY—Treinta y nueveng (39ng) mga caso nin panghabon (theft) an nagdominar kan mga pahina kan police blotter digdi, sa laog sana nin 15ng aldaw ngonian na bulan.

Kua ni Oscar Esmenda

Sa oro-aldaw na report, an mga police stations iyo an nagiging tiponan nin mga reklamo hale sa mga namamanwaan na victima nin mga actibidades kan mga parasalisi asin parahabas.
Nagsusunod sa simpleng panghabon iyo an 9 na mga caso nin pansalakat (robbery with intimidation), mantang may saro pang caso nin “carnapping.”
Base man sa record kan police, poon sana kan fecha 1 kan Enero ngonian na taon, halaba na an listahan kan mga naging victima kan mga “riding-in-tandem” na criminal.
Ngonian na bulan nin Febrero, an mga incidente nin harabonan por medio kan inaapod na “riding-in-tandem” naglangkaba pang entero.
An mga lugar na pinangyarihan kaini iyo an minasunod: Jardin Real de Naga, Barangay Del Rosario, Diamond St., Villa Grande Subdivision, Langka St., Balatas sa atubangan kan Roquito’s residence, asin sa Dona Clara Subdivision.
An mga pasaralakat nag-operar man sa Maramba Elementary School, SM Parking lot, Ojeda St., Dinaga asin sa Dayangdang.
Sa tahaw kan nakakaalarmang sitwasyon na ini, hasta sa presente mayo pa nin full-fledged na hepe an pulis digdi.
An siring na sitwasyon nagdadanay poon na bayaan ni SSupt Filmore Escobal an saiyang pwesto bilang OIC kan NCPO kan magka-encuentro sinda ni Mayor John Bongat.—BICOLSTANDARD.COM
Share:

Featured Post

GENTLE BREEZE by Atty. Nelly F. Villafuerte | Seven is God's favorite number

Unbelievable but true… seven is God’s favorite number. The proof? The Holy Bible. Throughout the Bible (from Genesis to Revelation) ...