Monday, February 16, 2015

Nonoy na nag-JS prom, nadakopan marijuana

NABUA, CSur---Sarong menor de edad na estudiante kan Nabua High School an pinakabagong nakadugang sa hawig nang listahan nin mga jovenes na pigtutubodan na nagagamit nin pigbabawal na marijuana, digdi.

An pinaka bagong nadakop na may darang marijuana iyo si NONOY, (bakong tunay na pangaran) tercer anyo na estudiante sa Nabua High School, sa Barangay San Miguel, digdi.

An joven na estudiante pasiring na kuta sa saindang school campus, alas 6:30 nin bagui para mag atendir kan Junior and Senior Prom kan kan fecha 14 ngonian na bulan, an Valentine’s Day.

Inda kun ano man na kadimalasan an inabot ni NONOY ta nasabatan niya si Jimmy Dimaiuat, y Llagas, an security guard digdi, na nag-iinspection kan palibot kan escuelahan.

Sa saiyang pag-iinspection, igwa siyang kaibahan na K9 dog na may abilidad na makaparong an droga asin determinaran kun yaon saen an droga namumugtak.

Segun sa guardia kan masabat niya si NONOY dae na nag-ontok nin pagpamate an K9 sniffing dog na nagpupuntariya sa direksyon kan kinakamugtakan kan suspechado.

Sa imbestigasyon, naheling kan security guard na garong natataranta an hiro-hiro kan joven na estudiante na saindangnasabatan, kaya dinulok niya ini asin may nakakuang sarong bukas nang sachet na may laog nin pina-alang na dahon nin marijuana.

An nadakopan nin sachet nin marijuana taga-Barangay La Opinion, digdi.

Para ma-completo an proceso kan pagdakop sa saiya, nag-apod nin ibang mga testigo an mga awtoridad na mapatunay kan incidente.

Kabali sa mga nagtestigo sa pagdakop ki NONOY iyo si Punong Barangay Alneil Hernandez kan San Miguel, an media representative na si Glenda C. Bearis kan Radio Natin asin an representante kan Department of Justice na si Ramon Nagrampa.

Pagkatatapos na mangyari an pagdakop, dinara tulos an estudyante sa Nabua Municipal Police Station. (BICOLSTANDARD.COM)
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...