Wednesday, February 25, 2015

Matua binadil kan ngohod huli sa iwal, rogado

AROROY, Masbate— An mainit na diskusyon nin magtugang an guinikanan tanganing mabadil si Mark Joven Esquilona y Vidarozaga, 18 anyos, soltero, na taga Sitio Mabanban, Barangay Panique, sa banwaan na ini.
An victima, sarong hornal (laborer) sa sinambit na barangay.
Sabi sa report kan pulis, mayo nang nakakasaway sa iwal kan magtugang kan biglang kibliton an gatilyo kan calibre .45 sa sukbit kan ngohod na tugang na tuminama an bala sa saiyang abaga.
Nagluluwas sa imbestigasyon na an nag-iiwal na magtugang yaon sa laog kan saindang residencia. Makusog na maray an mga boses sa saindang diskusyon.
Pagkatapos na tamaan nin bala an victima, tinarabangan man tulos siyang dinara sa Aroroy Municipal Hospital tanganing ipabulong.
Sa ginibong pagsiyasat kan mga imbestigador, nakua an sarong capsula nin calibre .45 pistola, na yaon na ngonian sa poder kan mga awtoridad.
An suspechado nagsuko tulos sa mga awtoridad na nagbabasol kan saiyang nagibong krimen sa saiyang matua.
Pighahanda pa kan pulis an caso na isasangat contra sa suspechado na sarong menor de edad.—BICOLSTANDARD.COM
Share:

SPECIAL OFFER

SPECIAL OFFER

Featured Post

Chief Supt. Gardiola assumes as Bicol top cop

LEGAZPI CITY 7/10/17 (Bicol Standard)--Police Chief Supt. Antonio N. Gardiola has been installed as the Acting Regional Director of...