Tuesday, February 3, 2015

Mga parasira na nawawara sa CNorte dae pa nasasapod

JOSE PANGANIBAN, CNorte— Nagpapadagos pa ngonian an paghanap kan duwang parasira na nawawara sa dagat na sakop kan banwaan na ini.

Nasa ika-anom na aldaw ngonian kan pagsusurod kan kadagatan asin mga baybayon.
An mga hinahanap iyo sinda Melchor de los Reyes asin an kaibahan niyang pig bisto sana sa pangaran na Nonoy.

An duwa nadisgracia sa tahaw kan dagat, kan an saindang linulunadan na baroto an magtaguilid asin derechong  nalunod sa kusog kan rapado kan darakulang alon na dara kan duros amihan.

Enot na ipigreport an aksidenteng ini kan Enero 28, sa paagui nin pangapodan sa mga residentes kan mgas pagtaraid na lugar na pinangyarihan.

Mientrastanto, an saro pa sa saindang kaibahan na si Leonardo de la Cruz nasapod na kan mga parasira, kan maheling siyang nagpapataw-pataw sa dagat.

Sa presente nagtatabang na an mga miembros kan Philippine Coast Guard sa paghanap sainda.
Para sa mahiwas na pag hanap, nag gamit nin huey helicopters an sinambit na grupo para aninawon an lawas kan duwang nawawara pa sagkod ngonian.

Pigtutubodan na pwedeng idampal an saindang lawas sa guilid kan dagat mantang amihan an makusog na duros na namamatean ngonian.

Huli kaini, an mga miembros kan familia kan mga nawawarang tawo an nangangapodan pa guiraray nin tabang hale sa mga kataid nindang barangay na pwedeng makaheling sainda.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

DAET GARBAGE ISSUE | Sarion blames Ochoa; Ochoa to request for state audit of funds

Former Mayor Tito Sarion (left), incumbent Mayor Benito Ochoa (right) DAET, Camarines Norte—“The ball is now in the hands of the new ...