Tuesday, February 3, 2015

Bicolanong actor, pigtamuyaw si PNoy

NAGA CITY—Sarong Bicolanong actor an sinasabing nagpaluwas kan saro sa mga pinakamaharang asin pinakamalanit na tataramon nin pagtamuyaw ki Presidente Benigno Aquino III sa nakaaging Mamasapano massacre kan nakaaging semana.

Jomari Yllana
Bicolanong actor na si Jomari Yllana, pigtamuyaw si PNoy
Si Jomari Yllana dai nakapugol kan saiyang sadiri na magpaluwas kan saiyang kulog-boot sa dakulang kapabayaan kan gobierno nacional na nagresulta sa makangirhat na paggadan kan 44ng miembro kan PNP-SAF.

Sa saiyang mga ipigpublicar sa Facebook kan Biyernes, fecha 30 kan Enero, sinabi ni Yllana an mga minasunod:

“Ang akala nila, parang video game lang….. Nag-ensayo lang at pinasubukan… Sigurado ako, kahit dati na hindi ka corrupt… Pero, garantisado na ako na isa ka ngang tanga! Lahat ng nasa gabinete mo mandarambong… Sana, pagkatapos dumaan ng sasakyan ninyo sa daan na nagkukunwaring matuwid ay dumeretso na rin ito sa impyerno… Kasama ng mga dayuhang mapuputi na napakahusay magsinungaling… Napakahusay na mandurugas at napakahusay mag-angkin ng lupaing hindi kanila… Ikaw na!!! Ikaw na ang pinaka-tangang president sa kasaysayan ng Pilipinas!!!”

Nagguno nin dakol na pag-omaw an komentaryo kan actor.

May nagkapira pa ngani na ipigcomparar an kusog-boot ni Yllana sa ipinaheling na coraje ni Police Senior Inspector Max Jim Tria, saro man na Bicolano asin an pigsasabing naging “Last Man Standing” sa Mamasapano massacre.

Si Tria, segun sa mga report, sadit sana alagad siring sa tigre an kusog nin boot pag-abot sa giyera.
Nakua an hawak kan 27 anyos na Catandunganon na kapot-kapot pa an duwang granada kan ini bawian na nin buhay.

Mientrastanto, afuera ki Yllana, nagkapira pang mga artista asin TV personality an ginamit an social media tanganing ipahayag an saindang pagkauyam o pagkadisganar ki Presidente Aquino.
Kabali digdi sinda Judy Ann Santos asin Christine Bersola.

Si Judy Ann Santos nagpahayag sa saiyang Instagram account na marhay pa si Presidente Barack Obama kan Estados Unidos ta tatao kan saiyang mga prioridad.

Dinugang pa kaini na siya may derecho na isabi an saiyang mga opinyon manungod sa gobierno, ta siya, siring sa ibang Pilipino, apektado kan nangyari.

Si Christiner Bersola man nagsabi na mas tinawan pang importansya ni PNoy an mga nakaparadang kotse kaysa sa mga mga nakaparadang hawak kan mga heroe na mga miembro kan PNP-SAF.—
—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...