Invitation for Bids

Invitation for Bids

Job Posting

Job Posting

Thursday, February 12, 2015

FOREVERMORE | Lolo Kikoy, 104, asin Lola Lydia, 85 kinasal kasubago


Kua ni Oscar Esmenda

NAGA CITY –An lalaki 104, mantang an babae 85 an edad.

Sindang duwa an naging sentro kan atensyon kan mga nagmeron sa kasalan na ginibo sa Plaza Quince Martires, digdi.

“Iyo po.”

Ini an nag garadal-gadal nang simbag ni Francisco de la Torre, 104 anyos an edad, kan hapoton ni Naga City Mayor John Bongat kun inaako niya na maging tunay na agom si Lydia Virena, 85 anyos.

An sabi kan babae “iyo po,” namomoot ako saiya.

Mahamis na maray an ibahan ni Lolo Kikoy asin Lola Lydia kaya sinda naghingowa na magpakasal ngonian na aldaw, bulan nin Febrero, an bulan nin mga puso.

Si Lolo Kikoy, balo na kan saiyang masikrapan an mahigos asin magayon na si Lola Lydia na nagpakurab-kutab guiraray kan saiyang puso.

Sa enot na familia, si Lolo Kikoy igwa nin 7 supling.

Alagad si Lola Lydia, daraga kan sinda maging magkatrato.

Si enot na esposa ni Lolo Kikoy nagadan sa pag mundag kan saindang ngohod na aki.

An mamundong pagbuhay na solo na parate inaabot nin makuring pungaw an nagtuklang sa balo na maghanap nin makakaiba sa buhay.

Kuta na, trangkilo na man sindang duwa sa simpleng harong asin pagbuhay.

“Gusto ko si Lydiang pakasalan,” sabi ni Lolo Kikoy.

An solamenteng rason kan mga gurang kan makaolay ni Oca Esmenda kan DWLV, iyo na mawot nindang maging legal an saindang relasyon sa lambang saro.

Sa atubangan kan Plaza Quince Martirez si Lolo Kikoy asin Lola Lydia nagcemento kan saindang relasyon sa lambang saro.

Nagtindong bilang mga testigo iyo an dating artista asin ngonian Vice Alkalde kan Manila na si Isko Moreno asin an esposa kan alkalde kan Naga City na si Farah Bongat.

An kasal kasubago parte kan special na programa kan PAG-IBIG Naga Branch. (BICOLSTANDARD.COM)
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...