For immediate hiring

For immediate hiring

Monday, February 9, 2015

BUDOL-BUDOL | Alahas, rinibay sa pad paper

DARAGA, Albay – Dae pa guiraray naghohoraw an panloloko kan mga miembros kan sindikato nin
“budol-dudol” digdi.

An pinakabagong biktima iyo si Luzviminda Borja y Malate, 59 anyos, taga-T. Perez St., sa Barangay Market Site.

Segun sa paliwanang ni Borja sa pulis, mantang siya naglalakaw, igwang sarong lalaki na nagdulok saiya asin nagpabisto sa pangaran na Bens Francisco.

Si Francisco nagpamidbid na amigo kan aki ni  Borja na Overseas Contract Worker (OFW) na nagtatrabaho sa Alkobar, Saudi Arabia. Para makua an boot kan victima sinabi kan lalaki na kabisto man niya an aki ni Borja na si Leslie Borja na sarong maestra sa Bicol College.

Kan panahon na ini, an sospechado naglaog sa saiyang darang awto na Mitsubishi Adventure na dae naplakahan kan victima.

Mientras tanto na nakatukaw an suspechado sa laog kan saiyang awto, pinabisto pa sa victima an babae na lunad man awto na suboot ina niya. An sinasabing ina kan suspechado pigpabistong sarong dentista.

Sa puntong ini, igwa pang sarong babae na nagdulok sainda. Siya naghahapot kun igwa an victima nin aram o kabistong may hardware ta mabakal daa siyang mga construction materials.

Minutos sana an nakalihis, an babaeng nagdulok naglunad naman sa awto asin pwerteng nagpadagos makipag-olay-olay.

Sabi kan victima, kan panahon na ini, pinahelingan siya kan nasambit na babae nin “mahibog na bundle” nin cuarta.

Kasabay na digdi an pagcombensir ni Bens Francisco asin an saiyang ipinamidbid na ina na kuahon an kantidad karibay kan sulot na alajas kan victima.

Mayo ni sarong tataramon an nagluwas hale sa ngimot kan victima kan inako kaini an sinasabing “bundle nin cuarta”.

Itinao sa mga miembros kan “budol-budol” an bulawan niyang kulentas asin tulong bulawan na singsing. An valor kan mga alajas P20,000.00.

Pagkatapos na gawgawon an mga alajas kan mga suspechado, nagpatuyatoy na sinda parayo sa victima.

Kan makaabot na an victima sa Bicol College para bisitahon an saiyang aki sa sinambit na eskwelelahan, pigheling  niya an sinasabing “bundle nin cuarta” asin duman nadiskubre na ito palan mga tinarabas na papel para sa Grade IV.

Sagkod sa oras na sinusurat an baretang ini, mayo nin informasyon kun sisay an grupo na nambiktima ki Borja.

An casong ini pig kakapotan ni PO3 Frank Paul M. Bobis asin PO1 Mark Gil M. Victoria kan Philippine National Police (PNP) digdi.--BICOLSTANDARD.COM
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...