Monday, January 12, 2015

Tungkang paratindang balut, nasalisihan sa laog kan Naga Cathedral

Naga Cathedral Church
Naga Cathedral Church
CIUDAD NIN NAGA-- Makatiritriste an inabot kan sarong relihiyoso asin mahigos na balut vendor na hasta ngonian dai pa makatubod na siya nabiktima nin parahabon sa laog pa mismo kan harong kan Diyos.

Nginaranan kan pulis an victima na si Jason Dasco Alejandria, 24, soltero, asin residente kan Sitio Sagrada Familia, San Felipe, ciudad na ini.

Sa pahayag kan victima,  amay siyang nag-abot sa Naga Cathedral Church tanganing mag-atendir nin Santa Misa kasoodma.

Nin huli ta halawig pa man an oras antes magpoon, naisip niyang magtukawtukaw sa bangko mientras naghahalat.

An magabat niyang darang itom na backpack, binugtak niya muna sa saiyang kataid.

Dai naghaloy, sa tahaw kan katoninongan kan sagradong lugar, asin dara man kan puyat asin pagal, napapirong an nagpupunga-punga na parabalot.

Makalihis nin cinco minutos, biglang napaburarat an saiyang mga mata kan marisa niyang mayo na an kataid niyang bag.

Hiniling niya an sirong kan bangko, nagkiling-kiling sa wala asin too, pero mayo na nanggad ini.

Tulos siyang nagderecho sa oficina kan pulis tanganing ireport an nawara.

Alagad, mayo siyang ikinatukdong sospechado ta siya ngani napaturog nin dikit na minutos.

Sa oficial na report kan pulis, nawara kan paratinda an pighingoahan niyang benta na kantidad P3,300, color asul na  TM:SKK G1 cellphone na may kantidad P4,999, 2ng tshirt, pantalon, sinturon, pahamot, mga ID, asin iba pang mga importanteng documento.

Katakod kaini, liwat na nagpagiromdom an mga pulis na pirming maging marigmat asin maingat sa mga dara-darang gamit. Saindang patanid, bakong gabos na nasa laog kan simbahan, mga angel na banal.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | -
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...