For immediate hiring

For immediate hiring

Thursday, January 22, 2015

Mga pusikit na parahabas nin pambulang na manok, pinangaranan

OCAMPO, Camarines Sur“Pusikit na parahabas nin manok,” ini an pagkabisto suboot ki Melvin Librando (Melvin), taga-Barangay, La Purisima Nuevo, sa banwaan na ini.

Nagkapira sa mga manok na pambulang na hinabas sa Sea Urchin Game Farm
Kua ni Oscar Esmenda/BICOLSTANDARD.COM
An inaakusaran na kasapakat niya si Ruel alyas “Chong-Chong” Ibarra (“Chong-Chong”), taga-barangay Salingogon, Minalabac, Camarines Sur.

Sindang duwa iyo an itinuga ni Domingo Librando (Domingo), an ama ni Melvin, na nagdara sa saindang harong sa La Purisima Nuevo kan mga pambulang na manok na hinabon sa Sea Urchin Game Farm sa Salingogon, Minalabac, kan mag-omagahon na Lunes, Enero 20.

An kagsadire kan mga manok iyo si Gil Basmayor.

Segun ki Ace Penolio asin Lunmark Misolas, mga paraataman kan manok, nagimata sinda kan Lunes na mayo nang nagtuturaok sa natad kan saindang harong.

Nadiskubre ninda na mayo na sa gakodan an 11ng mga pambulang.

Pagsusug kan guira kan mga parahabon


Sarong informante an nagpaabot ki Pedro Benamira, vice alcalde kan banwaan kan Minalabac, na may narisa siyang motorsiklo na may nakalunad na duwang tawo na may kargang sako.

Sabi kan informante, marikas an dalagan kan vehiculo na garong may tinatakotan an nagmamaneho.

Huli ta an saro sa mga suspechado na si Melvin, taga-banwaan nin Ocampo, nagpadara nin tawo an may sadire kan manok tanganing mag-usisa sa harong ninda sa nasambit na banwaan.

Saro sa mga residentes kan barangay an nag-osip na naheling ninda an duwang tawo na may bitbit kan mga pambulang na nasa laog nin sako.

Tulos ipinaisi an incidente sa pulis kan banwaan kan Minalabac kun sain nangyari an panhabas.

Sa ibong na lado, an Ocampo PNP nagpadara tulos nin imbestigador sa residencia ni Melvin tanganing confirmaron an tip na may mga dinara duman na  manok nasa laog nin sako.

Kinaagahan kan Enero 21, an pulis Ocampo nagpadara nin mensahe sa pulis Minalabac na naghapot kun igwa nin blotter sainda dapit sa nawawarang pambulang.

Huli kan siring na informasyon, pinaisi tulos si Basmayor na personal na nagsungko sa hepatura kan police digdi.

Sa Barangay La Purisima Nuevo


Sa tabang kan mga residentes kan barangay, dinumanan ni Basmayor an harong ni Melvin. Pero, mayo suboot siya, sabi kan saiyang ina.

Kan makaolay an ama niya na si Domingo, pinakiolayan kan kagsadire kan manok na ibalik saiya an mga hinabon.

Sa enot na rangkada kan orolay, litid si mga ugat ni Domingo Librando na nagnenegar.

Alagad kan sabihan siya ni Basmayor na pugol na niya an dakul na evidencia, itinuga na kaini si mga pangyayari.

Sabi ni Domingo, an saiyang aki, kaibahan si “Chong-Chong” sa pagdara kan mga hinabonan na manok sa saindang harong.


Pig-entrega ni PCI Gilbert Remo ki Ace Penolio an nagkapira sa mga narecover na hinabas na manok
(Kua ni Oscar Esmenda/BICOLSTANDARD.COM) 
Follow-up operation

Kasubago (Enero 22), inibahan an pulis Ocampo ni Domingo sa saro pang kasapakat kan mga parahabas, na taga-La Purisima Nuevo.

Dangan, dinara na si 7ng mga pambulang manok sa hepatura kan pulis.

Mientrastanto, sa 11ng nawawarang pambulang na hale ki Basmayor, 7 sana an nakabalik saiya. Si ikawalo, gadan na ta ibinulang na sa tupada ni Melvin kan Martes sa La Purisima Nuevo.

Casong paghabas pighahanda na


Pighahanda na ngonian an pag sangat nin casong pag habas contra ki Melvin, “Chong-Chong”, asin iba pang mga tawo na may pagkaaram sa krimen.

Sa entrevista kan DWLV asin kan BICOLSTANDARD.COM, naisihan na sa Salingogon pirming nagpapabakal nin mga pambulang manok si Melvin. An sabi niya, hale sa Ocampo an mga manok. Kaiba niya sa negosyo sa Salingogon si “Chong-Chong”.

Mientrastanto, an mga oficiales kan barangay Salingogon nag-iimbentaryo ngonian kan mga manok na hale ki Melvin, tanganing ipaisi sa mga taga-Ocampo kun sinda an kagsadire. Pigtutubudan na pwedeng hinabasan an mga manok na saindang pinapabakal.

Poon na magkaibahan sinda Melvin asin “Chong-Chong”, naging bantog na suboot sindang duwa na nagbabariwas nin mga inikitan na manok sa mga barangay kan Minalabac.

Afuera sa paghabas nin manok, may mga informasyon na an duwa, pwedeng iyo an responsable sa pagsalakat kan Villamayor High School asin Salingogon Elementary School.

An sinambit na mga eskwelahan nawaran nin mga gamit, arog kan amplifier, mga electronic gadgets, asin iba pa.

Si Librando nagdulag na sa saindang harong kan maaraman an baretang ini, mantang si “Chong-Chong” nagnenegar sa sahot saiya. BICOLSTANDARD.COM


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Employees duped with fake beauty products in Naga City

NAGA CITY 6/14/17 (Bicol Standard)--A certain Dr. Briones, who introduced herself as a former business associate of Belo Group of Compa...