Wednesday, January 28, 2015

Number 2 lider kan NPA sa Bicol, dakop

MANILA—Nahulog na sa kamot kan mga autoridad kasoodma an pigtutukdong number 2 na lider kan New People's Army sa Bicol.

Segun ki Southern Luzon Command spokesperson Major Angelo Guzman, an rebelde na iyo si Reynaldo Hugo nadakop por medio kan sarong operasyon kan pinagsarong fuerza kan militar asin pulis sa Cabuyao City, Laguna.

Poco mas o menos alas 10:14 kan Martes kan ipigsirve ki Hugo an Arrest Warrants CC No. 2367 para sa multiple murder asin 2368 para sa multiple frustrated murder na ipinaluwas kan Branch 50 kan 5th Judicial Region kan San Jose, Camarines Sur.

Si Hugo, bilang miembro kan Executive Committee and Operations Office sa Bicol, iyo an dating nagdidikta kan pinag-aapod na operational tempo kan NPA sa nasambit na lugar.

Ipinahayag ni Guzman na nagkapirang dai pagkaintindihan manongod sa kinamomogtakan kan extortion money an nagtaong dalan tanganing itukdo si Hugo kan nagkapira man sanang miembro kan rebeldeng grupo.

Mientrastanto, sabi ni Southern Luzon Command head Major Gen. Ricardo R. Visaya, an pagkadakop ki Hugo sarong magayon na oportunidad tanganing lalo pang maging maisog an kampanya kan militar kontra sa mga rebelde.

Maroromdoman na kan nakaaging taon, tolong lideres kan NPA sa Bicol man an naaprehender. An mga ini iyo sinda Regional Secretary Mario Dela Cruz, Executive Committee member Sylvestre Layones asin Sorsogon Secretary Elias Florentino Pura.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Sorsogon mayor, 2 others charged in Sandiganbayan

SORSOGON CITY 5/23/17 (Bicol Standard) -- Ombudsman Conchita Carpio-Morales has recommended the filing of criminal charges against Bu...