Sunday, January 4, 2015

Eskwelahan sa Albay, hinabasan

DARAGA, Albay—An halawig na bakasyon  asin mayong distinong bantay sa laguerta kan Kilicao High School an pwedeng nakatentar sa mga pasaway na habason an gamit kan escuelahan, digdi.

Kan sarong aldaw nareparo ni Ramon Belgica y Ballatan, an principal kan sinambit na escuelahan na rinangka an pwertahan kan saindang opisina dangan hinabas an DB sound amplifier na importanteng maray na gamit kan escuelahan.

An sinambit na gamit igwang valor na P9,000, hinabas kan dae nabistong tawo na naglaog sa saindang opisina por medio kan pagrapak kan kandado sa enotan na pwerta kan saindang faculty room.

Mayo nin makapagsabi kun anong oras nangyari an pag salakat kan opisina.

Si Belgica na taga Fish Park Subdivion sa Barangay Sagpon, digdi nagsabi na pirme man niyang pigrereparo an kamugtakan kan saiyang opisina.

Alagad pwedeng sa kasiribotan kan mga tawo asin sa malipot na panahon nakaigwang tiempo an parasalakaw na makabwelo kan saindang pagsalakat.

Ipinahayag kan mga imbestigador na sainda nang pinaabot an recomendasyon kan pulis na kaipohan magbugtak nin gwardya sa saindang eskwelahan tanganing maibitaran an mga pwede pang mangyaring remalaso sa saindang mga importanteng gamit sa opisina. (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Naga City shabu dealer slapped with life term

NAGA CITY 11/22/17 (Bicol Standard) -- A man caught selling Php200,000.00 worth of shabu inside a room of Villa Caceres Hotel in 2015 w...