Thursday, January 29, 2015

Nagpabistong militar, nangkikil?

GUINOBATAN, Albay—Dinakop an sarong lalaki na pigsasahotan na nagpamalo-malong miembro kan militar asin nangkikil nin kwarta sa sarong residente sa banwaan na ini.

An victima, na iyo si Lea Odiver y Nacor, 49, residente kan Brgy. Quibongbongan, nagpahayag sa pulis na an nasambit na lalaki naghagad saiya nin P500 karibay an pag-proteger sa saiyang agom na midbid na sarong kabo o nagkokolekta nin pusta sa Small Town Lottery sa banwaan na ini.

Sa takot na may mangyaring maraot sa saiyang esposo, nagpadara an victima kan nasambit na kantidad por medio kan Smart Padala sa suspechado na si Franco Reyes y Nopre.

An 36 anyos na si Nopre, saro man na residente kan Brgy. Quibongbongan.

Sa pinagsarong fuerza kan Guinobatan asin Ligao police, inaresto an suspechado sa akto mismo nin pag-withdraw kan nasambit na kantidad sa ISD Cellphone Repair Shop and Smart Padala Center sa Brgy. Bagumbayan, Ligao City.

Narecover man sa poder kan suspechado an cellphone na suboot ginamit sa pagkikil.

An mga pulis na nagdakop saiya iyo sinda SPO3 Alberto R. Macasinag, PO3 Errol Escopete, PO3 Michael M. Culaway, PO2 Sulpicio Quidep Jr., PO2 Roy Sañosa, PO2 Vincent B. San Juan, PO1 Aldrin B. Castuera, PO1 Janice A .Buela and PO1 Johnsen L. Raton sa lindong kan superbisyon ni PCI Luke Palma Ventura, ACOP.

Mientrastanto, nagsabi an victima na bako ini an primerong beses na hinagadan siya nin kwarta karibay an proteksyon kan saiyang agom.

Sarong nagpabistong miembro kan New People’s Army na si Alyas Bayunik Palahe an nagkolekta man nin kwarta hale sa victima.

An kantidad kan nasambit na koleksyon, segun ki Odiver, uminabot na nin P6,800. Ini, dinugang niya pa, ipinadara niya man por medio kan electronic money transfer.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Tinambac aide runs away with Php3.4M bonus budget

TINAMBAC, Camarines Sur 11/15/17 (Bicol Standard) – At least 115 regular employees and 11 elected municipal officials of this town will be ...