Tuesday, January 20, 2015

Ex-tanod na may 2 casong murder, arestado

RAGAY, Camarines Sur—Dae na nakalusot sa kamot kan mga awtoridad an pigsasabing No.2 na Most Wanted na persona sa banwaan na ini, kan siya patarabangan na dakupon kan mga miembros kan pulis digdi katuwang an mga pulis na hale sa Labo Police Station.

Si Jonathan Soterio y Encinares, 29 anyos, soltero, taga Barangay Catabangan Proper tinuklo kan mga awtoridad sa Barangay Malibago, Labo, Camarines Norte.

An pag dakop saiya sa bisa kan mandamiento de aresto na firmado ni Branch 57 RTC Judge Irma Isidora M. Boncodin-Zamudio asin Branch 29 RTC Judge Cecilia R. Borja-Soler, pareyo sa Libmanan, Camarines Sur.

Si Soterio nag-aatubang nin 2ng casong Murder na pareyo may fecha Julio 16, 2013.

An duwang sala kan Regional Trial Court mayong pig recomendar na fianza, sa suspechado.

Paghale sa Ragay PNP, an suspechado dadarayon sa RTC Libmanan tanganing ipresentar sa atubangan kan jusgado na kun saen bibistahan an saiyang mga caso.

Si Police Chief inspector David D. Reyes, an Acting Chief of Police kan banwaan na ini nagpahayag na haloy man nindang pighanap an suspechado na nagdulag pagkatapos na mangyari an krimen sa digdi.--BICOLSTANDARD.COM


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...