Tuesday, January 6, 2015

Babae hinoldup kan saiyang kasaroan sa Daet

DAET, Camarines Norte – Pagkamoot sa cuarta an sinasabing rason sa nangyaring pagholdup sa saiyang kasaroan na nabisto sa pangaran na Annalea Barredo y Arroyo, 24 anyos an edad, taga-Purok I, Barangay Alawihaw, sa banwaan na ini.

Si Renato Agolto y Gutierez, 28 anyos an edad, haloy nang kasaroan kan victimang si Annalea, an sinasahotan na nagplano kan pagholdup sa victima na may darang cuarta papuli sa saindang harong.

Base sa record kan pulis, si Annalea kaibahan an saiyang tugang na 17 anyos an edad, hinipaan sa tahaw kan tinampo nin duwang lalaki na nakamaskara.

Poco mas o menos 100 metros na lang an distancia antes makaabot sa saindang harong, kan biglang papondon an magtugang kan sarong lalaki na nakasulot nin itom na jacket na may hood asin igwa pang takop an saiyang pandok.

An mga victima na nakalunad sa motorsiklo pinara kan duwang lalaki dangan sinipa sagkod na matumba an piglulunadan na vehiculo ninda.

An kasunod kan incidente iyo an pag suntok sa tugang ni Annalea nin pirang beses kan dae bistong lalaki.

Mientrastanto, si Annalea nagpirit na magsaway kan nag-aatake sa saiyang menor de edad na tugang na nakilaban sa lalaking may mascara.

Aksidente lang kan marabsing ni Annalea an mascara na sulot kan suspechado. Sa puntong ini nabisto ni Annalea na an lalaki iyo palan an saiyang kasaroan na si Renato.

Durante kan incidente, an mga suspechadong sinda Renato asin kairiba nagbunot pa nin badil asin kutsilyo hale sa saindang mga habayan.

Sa panahon na ini nagdeclarar sinda nin “holdup” asin pwersahan na hinahagad an darang bag ni Annalea na igwang laog na cuarta.

An bag may laog na cash na P50,000.00, ATM card, asin iba pang mga importanteng gamit.

Tulos na hinagad kan tugang kan victima an tabang kan mga pulis na dali-dali na nag-ayuda sainda.

Huli kan marikas na pagresponde kan mga awtoridad, nadakop an suspechado asin dinara sa hepatura kan pulis para sangatan nin caso.

An sabi sa report, aram ni Renato na mawithdraw nin kwarta an saiyang ka live-in kaya niya pigplano an pagholdup .

Si Annalea Barredo desidido na sangatan nin caso an saiyang kasaroan na mas importante an pagkamoot sa cuarta, ki kan sa saiya.--BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Daet ex-mayor convicted of malversation, graft charge

Former Daet, Camarines Norte Mayor Tito Sarion MANILA 10/12/17 (Bicol Standard) -- Former Daet, Camarines Norte Mayor Tito Sarion wa...