Wednesday, January 14, 2015

Ama, gadan sa pagsalbar kan aking nakuryente sa sablayan

DAET, Camarines Norte—Gadan an sarong ama sa pagprobar na isalbar an saiyang aki sa pagkakuryente.

Si Ernesto Diaz y Lopez, 49, may-agom, asin residente kan Purok 5, Barangay Alawihao, banwaan na ini nakuryente sa tire wire na nakaduta sa live wire kan Camarines Norte Electric Cooperative (CANORECO) sa poste sa luwas kan saindang harong kan nakaaging Sabado.

An nasambit na tire wire iyo an piggamit na sablayan nin bado kan saiyang 17 anyos na aking babae.

Sa report na ipinaabot sa BICOL STANDARD, sinabi na nakuryente asin naghagad nin tabang an menor de edad mantang nagsasablay kan mga linabahan.

Tulos nagdulok an ama, alagad nakapotan man kaini an nasambit na tire wire na iyo an nagcausa kan saiyang pagkakuryente.

Dinalagan sa Camarines Norte Provincial Hospital an mag-ama.

An aking babae nagsapo nin mga lugad sa saiyang kamot.

Alagad, an saiyang ama, ipigdeclarar nang gadan pakaabot pa sana sa ospital.

An bangkay ni Ernesto Diaz napapatintihan sa Funeraria Belmonte sa Vinzons Avenue, Barangay V, sa banwaan na ini.—BICOLSTANDARD.COM


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Daet P20M garbage project quizzed

Former Mayor Tito Sarion DAET, Camarines Norte — The pile-up of uncollected garbage in this town has urged residents to revive the inqu...