Wednesday, January 21, 2015

Miembros kan Task Force Santo Papa kan PNP Bicol, tatawan medalya

LEGAZPI CITYDakula an kaogmahan ni Regional Director Police Chief Supt. Victor P. Deona sa ipinaheling na dedikasyon asin profesyonalismo kan mga miembros kan Task Force Santo Papa hale sa Philippine National Police (PNP) Bicol.

Nin huli kaini, nagpahayag si Deona na makakaresibi nin mga medalya an 1,500 na pulis na kaayon sa Bicol contingent.

Segun ki Deona, bakong suba-suba an kapagalan asin sakit na tinios kan mga pulis sa walong aldaw na pagbantay sa seguridad kan Santo Papa asin mga tawo sa Tacloban City asin Palo duman sa Leyte.
Nagkapirang banggi sindang daeng turog asin nagsapo pa kan mga efecto kan bagyong Amang.

Nin huli kaini, sabi ni Deona, maninigong tawan sinda nin mga medalya bilang simbolo kan saindang pagtaong honra sa Bicol.

Sinda masirbe bilang ejemplo asin inspirasyon sa ibang mga Bicolano, idinugang pa kan regional director.BICOLSTANDARD.COM
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...