AROROY, Masbate –An maisog na kampanya kan pulis contra sa
ipigbabawal na droga nagbunga na kan madakop si Mark Delavin y Ricarte, 26
anyos, may agom, na taga-Barangay Ambolong, sa banwaan na ini.
Si Delavin haloy nang pigbabantayan kan mga awtoridad sa
saiyang mga illegal na transaksyon.
Alagad sabi sa report kan mga awtoridad, ngonian sana siya nadakop
por medio kan entrapment operation na pigplano kan Aroroy Municipal Police
Station na pinapamayuhan ni PChief Insp Norlando Mesa, an hefe kan pulis digdi.
An minasunod iyo an mga nakua sa saiyang poder kan ginibo an
entrapment operation: 4 na pidasong heat sealed transparent sachet na may laog
nin Methamphetamine Hydrochloride (shabu), na carculadong may gabat na 5.8 na
gramos.
Igwa pang ibang mga nakua ki Delavin, arog kan 6 na rollyong
aluminum foil, 6 na pedasong lighters asin calibre .45 nabadil, na may 2
magazines na may laog nin 15ng bala.
Bilang testigo kan saindang pagdakop sa suspechado, presente
iyo sinda Barangay Kagawad Gregorio
Fajel, Jr asin Tyrone Tariman.
Duwang caso an isasangat contra sa suspechado, an primero
iyo an pagbalga kan RA 9185, an manongod sa illegal na droga asin an paglapas
sa RA 10591, an illegal possession of firearms.--BICOLSTANDARD.COM
An mga evidencia dinara na sa Provincial Crime Laboratory
Office para sa laboratory examination.(BICOLSTANDARD.COM)
Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper |
