Tricycle driver nakaligtas kan badilon kan armadong lalaki sa Basud, CNorte

LABO, CNorte –Maswerteng nakaligtas sa kagadanan an sarong lalaki na taga-Barangay Malangcao Basud, kan siya badilon nin sarong dae nabistong lalaki.

Sabi sa report ni P/Supt. Geoffrey N. Fernandez, an Hefe kan Police kan banwaan na ini, si Rex de Vela y Jamito, 34 anyos, nagsumbong sainda na binadil siya nin pirang beses kan mga nakasakay sa Starex van na may plaka numero UPC 168.

Sabi sa pahayag kan victima, poco mas o menos alas 5:30 nin hapon kan Disyembre 10, mantang siya nakasakay a saiyang tricycle na may body No. 262 asin plaka numero 8129EW pasiring sa centro kan Labo, nakasabat siyang Starex Van.

Kan magkasulbodan na sinda sa tinampo, marikas na nag birik pabalik an sinambit na van asin linamag siya.

Sabi ni Vela, naalerto siya kan pangyayari kaya tinudahan niya si pagpadalagan kan saiyang trimobile. Kan makaabot sa madoot nang lugar nagibo niyang magtagbang asin mag tago sa mga naglalapag saiya.

Sa momentong ini, binabil na siya kan mga suspechado nin nagkapirang beses. Alagad, swerte sanang dae siya tinamaan.

Mientrastanto, an mga awtoridad nagdispachar man tulos kan saindang mga tawohan tanganing mag-imbestigar, asin hanapon an mga suspechado sa krimen.

Hasta sa presente, mayo pa nin noticia kun siirisay an naghuma sa buhay kan victimang si Vela.

Mayo man na malinaw na informasyon na naguno an mga imbestigador sa motibo kan mga suspechado. (BICOLSTANDARD.COM)




Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search