Invitation for Bids

Invitation for Bids

Job Posting

Job Posting

Wednesday, December 17, 2014

Parahabon hadok, kakasohan

TABACO City—“Unjust Vexation."

Ini an pwedeng isangat na caso contra sa sarong 35 anyos na lalaki na naghadok nin sarong babae, mantang ikinakasal sa saiyang nobyo sa Tabaco City Cathedral kan sarong aldaw.

Parahabon hadok, kakasohan
BICOLSTANDARD.COM
Si Aldrin Octavo y Melgar dinara sa hepatura kan pulis pagkatapos nin pirang minutos sa burokodan sa laog kan simbahan.

Nagluluwas sa bareta na an suspechado nagrani sa ikinakasal na sinda Romeo asin si Juliet (bakong tunay na mga pangaran), sa panahon na an padi, hahapoton na kuta an nobya kun “inaako niya si Romeo” na maging tunay niyang agom.

Nataraka su mga nag-atendir kan cermonya kan magdulok si Aldrin, na huna kan iba kabale siya sa mga abay sa kasal. Biglang nagkariribok
kan hinadokan kan saiyang malungsi na ngabil an pandok kan daraga bago pa siya hadokan kan nag-aagom saiya.

Si padi namungnan kan nangyari. An nobyo nasurpresa man.

Alagad si mga padrino asin mga paryentes naging listo sa pagdapurog pasiring ki Aldrin, dangan rinabosan siya nin mga ponete, makusog na suntok, sipa asin sampaling huli sa pambastos kaini.

Binitbit dagos an suspechado pasiring sa Ziga Memorial District Hospital para ipabulong an nagburak niyang ngimot.

Mientrastanto, sa laog kan simbahan, an sabi kan mga testigo, nagdulag si Aldrin kan maheling kaini na naglalaad an mata kan nobyo
sa kadagitan. Digdi nagpoon an burokodan sa laog kan Cathedral.

An mga imbestigador nagtutubod na pwedeng nakatumar nin pigbabawal na bulong an suspechado kan mangyari an incidente. Namamarong man siya nin alak.

Mientrastanto, mantang handa na man an gabos para sa kasal, kan magtrangkilo na, idinagos man guiraray an okasyon.

Hinagad kan mga parientes kan mga victima na dae na pagsambiton an pangaran kan bagong kasal sa bareta mapadapit sa nangyaring escandalo.

Nagsayumang magtao nin paliwanag an suspechadong naghadok kun nata ta ginibo niya an siring na bagay.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Besinio is new Baao mayor

BAAO, Camarines Sur –The Department of Interior and Local Government Regional Office in Bicol has officially served the dismissal order...