Wednesday, December 10, 2014

Pagsalakat uso kan kasagsagan kan bagyo sa Ciudad nin Naga

Naga-City

CIUDAD NIN NAGA—Naging masulong an incidente nin pagsalakat o “Robbery” durante kan kasagsagan kan bagyong Ruby, mantang an mga tawo siribot sa pagpaseguro kan saindang mga propiodad.

Base sa record kan pulis, naging maisog an mga pusikit na parahabas sa saindang operasyon sa pagtubod na an saindang buhay an enot na dapat pasegurohon, antes an mga gamit asin rogaring.

Sa Tapas Compound, sa Barangay Balatas, sinalakat an harong ni Judit Salvador y Pacamara nin mga dae nabistong mga tawo.

An mga pusikit na parahabas naglaog sa harong kan victima sa paagui kan pagrangka kan kandado.

Kan makalaog na sa saindang harong, binitbit kan parahabon an mga grocery items, kabale na an mga panindang gulay, na kantidad P15,000.

An iba pang dinara kan para-ikit iyo an minasunod: electric fan, 2ng bateriya sa awto, mga kaldero, caserola asin iba pang gamit sa kusina.

An saro pang incidente nin pansalakat nangyari sa Duplex 12, sa Panganiban Drive, sa Barangay Triangulo. An victima iyo si Dr. Lorenzo Rosales y Margallo, na taga Villa Sorabella Subd., Barangay Concepcion Grande.

Base sa record kan pulis, linaog kan mga parahabas an clinic ni Dr. Rosales asin dinara an 18-inch na flat screen TV, na an kantidad P10,000 asin 32 inches na flat screen TV na kantidad P18,000.

An parasalakat nagagi sa sanipa kan edificio na ginagamit bilang clinic.

Sagkod sa oras na sinusurat an baretang ini mayo nin informasyon an mga awtoridad kan mga imbuelto sa pagsalakat. (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...