Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Saturday, December 27, 2014

Problema sa Matnog Port, nagdadanay

MATNOG, Sorsogon—Dakula pa guiraray an problema na inaatubang ngonian kan mga viajeros na maagui sa pier kan Matnog, huli kan halaba na pila nin mga awto na mabaktas sa dagat pasiring sa Visayas asin Mindanao.

Segun ki PNP Regional Director Chief Supt Victor Deona duwa sanang RORO an nagbyahe ngonian.

Ipinahayag ni Deona sa BICOL STANDARD na igwa na sindang mga ibinugtak na remedyo arog kan pagdesignar nin mga “control points” na pwedeng descansohan kan mga drivers asin pasahero, mientras na naghahalat kan saindang turno na makalunad sa RORO.

An mga inaapod na “control points” namumugtak sa lugar na may kakanan asin toilets.

Mientrastanto, sagkod ngonian na aga carculadong maabot pa sa 300 na mga awto an naghahalat na makalunad sa RORO.

An mga control points yaon namumugtak sa Sorsogon City, Casiguran, Juban asin sa Irosin.

Pig-oobserbaran kan mga oficiales kan pantalan na pwedeng maglawig pa an problema huli sa dae pa nag-iina an numero kan mga awto na pasiring sa Matnog.

Sa parte kan Philippine Ports Authority (PPA) Bicol, sinabi ni Carol Mendizabal na maski pa igwang ipinadara saindang Landing Craft Tank (LCT), dae pa ini nagagamit, ta igwa nin problema.

An mga oficial kan PPA nagpahayag man na bako sainda an problema. An kakulangan nin barko na lulunadan nin mga awto an pinanaka mayor na rason kan pagka atraso kan byahe, poon pa kan sarong semana.

Piglinaw kan PPA na sala an bareta na may mga stranded na mga pasahero sa Matnog Port. Ipinahayag ninda na an mga pasahero iyo an tinatawan ninda nin prioridad sa pagsakaw sa RORO.

Afuera kan problema sa kakulangan nin lunadan na barko , may problema pa ngonian dapit sa darakulang alon, na dara kan nagkusog na paros amihan. (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...