Sunday, December 14, 2014

Lalaking taga-Cam Sur, tinadtad nin bala sa Sorsogon



SORSOGON CITY –Mayo pa lamang nin naheheling na banaag asin senyal na mareresolveran an dae naghuhuraw na garadanan sa Provincia kan Sorsogon sa tahaw kan nag-oorog pang mga krimen asin pagkasayang nin buhay nin tawo.

Kasusarong aldaw, poco mas o menos alas 11:50 nin bangui, sa Ciudad na ini, saro na naman na victima nin makangirhat na krimen an nangyari sa Barangay Balogo, digdi.

Sinabi sa report kan pulis, an victima iyo si Anacleto Edino y Lacida, temporaryong nag-eestar sa Sta. Cruz, Casiguran, Sorsogon.

An mga imbestigador, sabi ni P/Supt Aarne Oliquano, hefe kan Pulis digdi,nagsabi na si nakuang gadan taga-Del Gallego, sa Provincia kan Camarines Sur.

An bangkay kan victima tinadtad nin bala.

Sa enot na pagsiyasat, sinasabi na si Edino, 21 anyos an edad, naglalakaw sa Alegre St., sa Barangay Balogo, sa atubangan kan privadong primary school.

Bigla na sana suboot na may nagpondong motorsiclo sa atubangan niya, na armado nin badil, asin mayong hapot-hapit, pinaputokan na tulos siya kan saindang darang badil.

Nagluluwas sa police report na an “motorcycle riding criminals” preparadong maray sa saindang gigibohon na paggadan sa victima.

Si mga nakaheling kan pangyayari nagsabi na nagprobar  kutang magdulag si Edino parayo sa mga parabadil, alagad huli tama niya sa lawas,napadapla ini sa tahaw kan tinampo.

Dae pa nakontento, nagrani pa saiya si mga parabadil, asin sa binadil pa siya nin nagkapirang beses sa lawas na iyong naging causa kan saiyang tulos na kagadanan.

Naheling sa lawas kan victima an 18ng tama nin bala.

An mga imbestigador sa pinangyarihan kan krimen nakapurot nin 22 na pidaso nin capsula, hale sa pinaputok na calibre .45.

Iyo ini an nakapalaman sa report ni P/Chief Inspector Jimmy Pintor na kaibahan an team kan SOCO na nag-usisa kan lugar na pinangyarihan.

Hasta sa pagsusurat kan baretang ini, dae pa aram an motibo kan mga paragadan.

An sabi, si Edino na taga-Del Gallego, Camarines Sur nagdalaw sana sa saiyang famiia sa Sta. Cruz, Casiguran. (BICOLSTANDARD.COM)


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...