Thursday, December 4, 2014

Ama inarestar kan aki sa paglugos sa makuapo

Tigaon, Camarines Sur
TIGAON, Camarines Sur—Grabe an kaanggutan ni Vito Bercasio sa saiyang magurang kan saiyang maaraman na linupigan palan kan saiyang ama na si Alberto Bancosta an saiyang makuapo na si Gilda (bakong tunay na pangaran) na 10 anyos pa sana an edad.

An suspechadong si Bancosta taga Barangay Cabalinadan sa banwaan na ini.

Sa declarasyon sa mga awtoridad, sinabi ni Vito Bercasio na inabutan niya an saiyang aki na naghihibi, asin nagsumbong na inaabuso siya kan saiyang lolo na si Alberto.

Huli kaini, nagpatabang si Vito Bercasio sa saiyang mga pag-iribang tanod na sinda Conrado Broncano asin Erneston Advencula, Jr, tanganing arestaron an saiyang magurang.

Ipinahayag kan victimang si Gilda na kan Diciembre 2, poco mas o menos alas 3:00 nin aga pinukawan siya kan saiyang lolong si Alberto.

Dangan, sinugo siya na magduman sa saindang harong para kuwanon an kamote na yaon duman.

Nagtubod si Gilda sa sugo saiya.

Alagad, pag-abot sa harong kan saiyang lolo, duman na siya linupigan.

Idinagdag kan victima na duwa nang beses na ginibo ini kan saiyang lolo.

An enot nangyari kan Nobiembre 29, ngonian na taon, alas dose nin odto.

Susug sa report, si Alberto Bancosta sasangatan nin magkakanigong asunto kriminal, na pigpepreparar na ngonian kan mga miembros kan PNP digdi.--BICOLSTANDARD.COM


Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...