Friday, December 12, 2014

Garadanan sa Sorsogon, nagpapadagos

SORSOGON--- Mayo pang patod an serye nin garadanan sa nagkapirang banwaan sa provinciang ini.

An sabi kan pulis, an nangyayaring ralaban kan mga soldados kan gobierno asin mga rebelde na miembros kan New People’s Army an rason kan mayong patod na incidente nin pandudukot asin baradilan, sa nakalihis na pira nang bulan.

An pinakabagong victima kan makangirhat na krimen iyo an pagkagadan ni Marlon Fulo Gile, 37 anyos na residente kan Barangay Mapapac, Barcelona, na binadil sa payo asin sa lawas na iyong naging mitsa kan saiyang kagadanan.

Sinabi kan mga nakaheling kan krimen na duwang lalaki na armado nin mga badil an responsible sa pag gadan.

Mientrastanto, saro pang dating miembro kan Cafgu an ginadan kan dae pa bistadong mga suspechado, sa Alimbuyog, East District kan Sorsogon.

An victima iyo si Romeo Equipado, 42 anyos, taga-Purok Hangaan,Barangay Alimbuyog.

Sinabi kan mga imbestigador na an incidente nangyari sa atubangan kan barangay outpost, mientras na an biktima nakikipag-olay sa sarong tanod kan mag-abot an duwang tawo na nakasunod sa motorsiklo.

Mayong sinayang na oras an mga suspechado, asin tulos pina-arakasakan nin bala an lawas kan victima, na naging dalan sa saiyang kagadanan.

Sa nasambit na incidente, sarong civilian an tinamaan nin bala hale sa mga suspechado.

An civilian na tinamaan nabistong iyo si Rosemarie Laguidao Hagos, na may lugad sa walang parte kan saiyang kamot.

Naheling sa record kan pulis na an mga garadanan digdi nagpoon na maglangkaba kan bulan na Nobyembre, ngonian na taon.(BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

Celebrating creation: Guibo Mi Yan pop-up art fair in Naga City

Guibo Mi Yan pop-up art fair in Naga City by Melissa Villa-Real Basmayor The declaration of the name of the pop-up art fair Guibo Mi...