Wednesday, December 10, 2014

Pulis na nagkakan nin 4 na balut, pwedeng mahaklas sa trabaho

Source
LEGAZPI CITY—Sarong reklamo kan paratinda nin balut an pwedeng maging mitsa na mahaklas sa trabaho an sarong bagitong miembro kan Philippine National Police (PNP) na nagprobar na mag-eat-and-run matapos ini makaubos nin 4 na pedasong balut. 

Segun sa report, si PO1 Angel Macabuhay y Castillano, na ngonian nasa training sa Field
Training Evaluation sa Regional Training Center, sa Camp Simeon A. Ola, an ipigreclamo ni Edwin De Los Santos y Romano na nagtutuk saiya nin badil, pagkatapos magtigab sa kabasogan kan kinakan na balut.

An victima taga Anislag, Daraga, Albay.

Susug sa declarasyon kan victimang De Los Santos, mantang yaon siya sa atubangan nin sarong Resto Bar, si PO1 Macabuhay nagrani saiya asin nag hagad nin balut.

Alagad, pagkatapos na maubos an apat na “bunay” nin itik, nagsayuma na magbayad kan saiyang kinakan.

En vez na magbayad, ipigpresentar kan pulis an saiyang badil na iyo suboot an saiyang pambayad.

Dae pa nacontento, kinasa pa niya an armas sa atubangan kan tinatakigan na paratinda.

An mga nahaheling kan incidente iyo an minasunod, na mga miembros man kan PNP: SPO 1 Rogelio Cleofe Jr. y Mendoza, nakadistino sa Presentacion MPS, PO3 Hubert Tranquilino y Albalati, naka distino sa Goa MPS, asin si PO1 Reymon Majuca y Roduta, naka distino sa RPHAU, Camp Gen Simeon A. Ola, alagad taga Cataingan, Masbate.

Mientrastanto, si P/Insp. Nathaniel R. Jacob, kaibahan si SPO1 Cleofe asin PO3 Tranquilino nag coordinar na sa Regional Training Center V, sa Camp Gem. Simeon A. Ola, sa Legazpi City mapadapit sa bagay na ini.

Sa imbestigasyon, saindang pigconfirmar na si PO1 Macabuhay manangad an imbuelto sa reclamo kan paratinda nin balut.

An incidente nangyari sa atubangan kan Chili Resto Bar sa Legazpi City (BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...