Tuesday, November 4, 2014

1 aki gadan sa insidente nin bullying

TINAMBAC,CSur – Pigcoconsiderar kan mga pulis na sarong kaso nin bullying na nagresulta sa kagadanan an insidente kan pagkabawi nin buhay kan sarong estudiante sa Tierra Nevada Elementary School subago.

An mga imbuelto pareho Grade V.

Sa pahayag ni P/Insp Greg Bascuna kan Tinambac PNP, nangyari an incidente  poco mas o menos alas 5:00 nin hapon sa sinambit na escuelahan. 

Nagluwas sa pagsisiyasat na si Marco (bakong tunay na ngaran), 12 anyos, asin si Ramon (bakong tunay na ngaran), 13 anyos, mantang yaon pa sa laog sa laguerta kan escuelahan, nagkaigwa nin dae pagka-irintindihan na nagresulta suruntukan.

Segun sa mga nakaheling na kaescuela, pirang minutos makalihis an pangyayari, naheling ninda si Ramon na nagpurot nin doot sa daga.Pero ini, bigla na sanang nagsukamang, nagprobar magbuhat pirang beses, hanggang dagos na ining madismayo.

Mayong nag-ayuda na matawan atensyon medikal an aki hanggang uminabot an mga pulis na nagdalagan kaini sa hospital. Alagad, sinabi kan nag-atendir saiyang doctor, na mayo na siya nin buhay.

An bangkay kan victima yaon ngoian sa Abiog funeral parlor, mantang pighahalat an autopsia.

An sopechado sa krimen yaon na sa poder kan WCPD kan Tinambac Municipal Police Station, para sa magkakanigong disposisyon kan caso, ta siya menor de edad.(BICOLSTANDARD.COM)

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

PDIC takes over Goa bank

Rural Bank of Goa Photo: PDIC MANILA— The Monetary Board (MB) of the Bangko Sentral ng Pilipinas (BSP) prohibited Rural Bank of Goa (...