Thursday, November 13, 2014

22 anyos na babae, victima nin 'budol-budol' sa Tabaco City

TABACO CITY—An mahamis na mga tataramom guikan sa duwang mga pusikit na mga estapador an nakatintar ki Myla Celzo y Malig-on, taga Barangay Baclayon, Bacacay, Albay, na mabiktima kan pig-aapod na "budol-budol” na nag-ooperar digdi.

Poco mas o menos alas 11:05 nin odto kan fecha 12 kan Nobiembre, an victimang si Celzo nag-osip sa mga pulis kan nangyari saiya, alas 9 nin aga, parehong aldaw.

Susug sa pahayag ni Celzo, naglalakaw siya sa Gen. Luna St., kan may magrani saiyang sarong babae na naghahapot kun igwa siyang aram na nagpapa-arkilang truck, na pwedeng gamiton sa negosyo kan saiyang among.

Marikas su simbang kan victima na dae siyang aram. Alagad, dae pa natatapos an saiyang pagsimbag, igwang sarong babae na harani sa saindang pigtitindogan an nagsabe na igwa siya nin aram na pwedeng ma-arkilahan na truck.

An babae na naghahanap kan pwedeng arkilahon na truck nag-agda sa victima na kun pwede mag-iribahan sinda pasiring sa lugar na pwedeng arkilahan.

Dae nakasayuma an victima, kaya naglunad sindang tulo sa sarong sikad-sikad o pedicab pasiring sa Ziga Avenue. Pag-abot sa may tulay, harane sa Daniel B. Pena Memorial College Foundation, naglusad na an tulo sa sinasakayan na pedicab.

Pagkalusad pa sana sa pedicab, an babae na naghahanap nin ma-aarkilang truck kinua si saiyang bag na an sabi may laog nin pinardong cuarta, na an kantidad P45,000.

Kinaolay an victima na iwawalat saiya an bag na may cuarta.

Alagad, bilang garantiya na bag asin an cuarta, dae idulag kan victima, pinakiolayan siya, an victima, na itao sa mga suspechado an sarong unit na Nokia cellphone, ATM card, na may laog na depositing P700.00 asin an pitaka na may laog na P4,000.00 na cash.

An instruction kan mga suspechado iyo na an victima maghalat sainda sa atubangan kan Tabaco Church.

Mientrastanto, 2ng oras na an nakalihis, dae nag-abot an mga suspechado.

Sa pagtubod na pwede siyang naloko kan mga suspechado, binukasan kaini an bag na sinasabing may laog na P45,000. Saka pa sana nadiskubre kan victima na an laog kan bag bako man cuarta, alagad tinarabas na dyario.

An victima nagreport kan incidente sa pulis. Sagkod ngonian mayo pa nin bareta kun haen na an mga imbuelto sa budol-budol.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...