Tuesday, November 18, 2014

SORECO II special election, ikokondusir

SORSOGON CITY—Sarong special election sa distrito kan Castilla, Sorsogon East, Gubat, asin Prieto an ikokondusir kan Sorsogon II Electric Cooperative (SORECO II) sa Disyembre 6, 2014, poon alas-8 sundo alas 3 nin hapon.

SORECO II
Ini segun sa opisyal na pahayag sa media kan manehamiento kan nasambit na kooperatiba.

Sa anunsyo, sinabi na an mga interesadong magkandidato kaipuhan magsumiter kan saindang Certificate of Candidacy, asin kumpletong requisitos sa SORECO II Member Services Department, Monreal St., Talisay, Sorsogon City.

Kabali sa mga dapat makumplehan kan mga kandidato iyo an mga minasunod:

1. Sarong taon na pagiging lehitimong miembro sa SORECO II asin kwalipikadong botante kan distrito na saindang kakandidatuhan na suportado nin Voters ID o Comelec Certification
2. Filipino citizen asin an edad poon 21 anyos alagad dai malampas sa 70 anyos
3. Graduado ki apat (4) na taon na kurso sa kolehiyo na suportado nin Transcript of Records
4. Nag-atendir ki duwa (2) na Annual General Membership Assembly (AGMA) na  suportado ki sertipikasyon hale sa SII-MSD;
5. Daing moroso o anuman na bayadan sa SORECO II partikular an power bill sa nakalihis na tolong (3) bulan (Agosto 2014, Septiembre 2014 asin Octubre 2014) alagad an bayad dai dapat maglampas  sa pitong (7) aldaw pakatapos  kan due date na suportado  nin sertipikasyon hale sa branch office asin SORECO II Consumer Accts. Management Department (camd); permit asin clearance hale sa ahensiya na pig-tatrabahoan kun empleado asin sertipikasyon na an suweldo bako sobra  o lampas sa Salary Grade 15;
6. igwa ki P5,000.00 na share capital contribution na suportado  nin sertipikasyon hale sa camd;
7. Police clearance/ NBI clearance
8. RTC clearance
9. Statement of Assets, Liabilities and Net worth (SALN)

Kinakaipuhan man na magsumiter kan mga iba pang documento na hahagadon kan Screening Committee.

Nobiembre 21 an deadline kan pagsumiter kan mga nasambit na requisitos.

Para sa dugang pang informasyon o detalye, magpasyar sa Member Services Department (MSD).—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 
Share:

SPECIAL OFFER

SPECIAL OFFER

Featured Post

Mayor Gaite to file MR

BAAO, Camarines Sur –“ I will not resist if the order of the Ombudsman is served upon me by the Department of Interior and Local Gove...