4, arestado sa pag gapo nin bus

NABUA, CSur—Dinakop an 4 na persona sa banwaan na ini pakatapos ninda suboot gapoon an sarong bus na pigmamaneho sa National Highway sa barangay Lourdes Young kasoodmang maomagahon.

An Bobis Line bus na pigmamaneho ni Eugenio Benetez y Bersola, 51, kan Malilipot, Albay, nagbabiyahe pasiring sa Manila hale sa Tabaco City.

Sabi sa report, ginapo ninda Jomar Agonos y Francisco, 34; Rene Dizon y Dela Torre, 20; Marvin Agudo y Laag, 21; asin Jomari Pecundo y Doroteo, 17; anas residente kan Zone 5 kan nasambit na barangay.

Naraot an windshield asin nagkapirang bintana nin huli sa tama kan mga gapo.

Sa tabang kan testigo na si Kenneth Neil Llagas y Rebellon, sinosog kan mga autoridad an mga suspechado, asin dinakop sa sarong follow-up operation.

Reklamong Malicious Mischief an aatubangon kan mga suspechado.

Bako ini an primerong beses na nagsapo nin destroso an sarong vehiculong nag-aandar matapos gapoon kan mga nasa gilid kan tinampo sa provinciang ini.

Alagad, an iba sa mga pasaway an dae nadadakop, o dae nasasangatan nin reklamo.—BICOLSTANDARD.COM

Bicol news | Albay news | Camarines Norte news | Camarines Sur news | Catanduanes news | Daet news | Iriga City news | Ligao City news | Masbate news |Masbate City news | Naga City news | Sorsogon news | Sorsogon City news | Tabaco City news | Virac news | Bicol Standard on Facebook | Bicol Standard on Youtube | Bicol Standard on Instagram | Bicol Standard on Google+ | Bicol Standard on Pinterest | Latest news in Bicol region | Bikol news | Bicol newspaper | 

Start typing and press Enter to search